ရှေ့က ဒုတိယမြောက်ကား (Beneath the Planet of the Apes) မှာ ကမ္ဘာကြီး ပျက်စီးသွားပြီးနောက် ဘာဆက်ဖြစ်မလဲဆိုတဲ့ မေးခွန်းကို ဒီကားမှာ အရင်ကားတွေနဲ့ ပြောင်းပြန် Twist ပေးပြီး အဖြေရှာထားပါတယ်။
ဒီတစ်ခေါက်မှာတော့ လူသားတွေ မျောက်တွေရဲ့ ကမ္ဘာကို ရောက်သွားတာ မဟုတ်တော့ပါဘူး။ ကမ္ဘာကြီးမပျက်စီးခင်လေးမှာတင် မျောက်သိပ္ပံပညာရှင်လင်မယားဖြစ်တဲ့ Cornelius နဲ့ Zira (သူတို့နဲ့အတူ Dr. Milo ပါဝင်ပါတယ်) ဟာ အမေရိကန် အာကာသယာဉ်မှူး Taylor ရဲ့ နာဆာအာကာသယာဉ်ကို ပြင်ဆင်မောင်းနှင်ပြီး အာကာသထဲကို ထွက်ပြေးခဲ့ကြပါတယ်။
ဒါပေမဲ့ သူတို့ဖြတ်သန်းခဲ့တဲ့ Shockwave ကြောင့် Time Warp ဖြစ်ပြီး ၁၉၇၁ ခုနှစ် (သူတို့ခေတ်နဲ့ ပြောရင် အတိတ်ကာလ) ကမ္ဘာမြေဆီကို ပြန်ရောက်လာကြပါတယ်။
အစပိုင်းမှာတော့ စကားပြောတတ်တဲ့၊ ယဉ်ကျေးတဲ့ ဒီမျောက်လင်မယားကို လူသားတွေက အထူးအဆန်းအဖြစ် ကောင်းကောင်းမွန်မွန် ဧည့်ခံကြိုဆိုပြီး Celebrity တွေလို နေရာပေးခဲ့ကြပါတယ်။ ဒါပေမဲ့ သူတို့ဟာ အနာဂတ်က လာတာဖြစ်ပြီး နောင်တစ်ချိန်မှာ မျောက်တွေက လူသားတွေကို ကျွန်ပြုပြီး ကမ္ဘာကြီးကို အုပ်စိုးတော့မယ်ဆိုတဲ့ အမှန်တရားကို အစိုးရသိပ္ပံပညာရှင် Dr. Otto Hasslein သိသွားတဲ့အခါမှာတော့ အခြေအနေတွေဟာ လုံးဝပြောင်းလဲသွားပါတော့တယ်။
ဇာတ်ကားဟာ သာမန် Sci-Fi ဖျော်ဖြေရေးသက်သက်တင် မဟုတ်ဘဲ ပြင်းထန်တဲ့ လူမှုရေးဆိုင်ရာ သရော်ချက် တွေ ပါဝင်ပါတယ်။ အနာဂတ်မှာ မျောက်တွေက ကမ္ဘာကို စိုးမိုးမှာကို ကြောက်လို့ လူသားတွေက Zira ရဲ့ ကိုယ်ဝန် (အနာဂတ်ရဲ့ ပထမဆုံး စကားပြောတတ်မယ့် မျောက်ကလေး) ကို ဖျက်စီးဖို့ ကြိုးစားကြပါတယ်။ ဒါပေမဲ့ လူသားတွေရဲ့ ဒီလို ရက်စက်တဲ့ တုံ့ပြန်မှုတွေကပဲ အနာဂတ်မှာ မျောက်တွေ လူကို ပြန်တော်လှန်ဖို့ တွန်းအားဖြစ်စေခဲ့တာမို့ "ဖန်တီးသူကပဲ ဖျက်ဆီးသူကို မွေးထုတ်ပေးလိုက်သလို" Paradox ဖြစ်ရပ်ကို ပေါ်လွင်စေပါတယ်။
ခြုံပြောရရင်တော့ Escape from the Planet of the Apes ဟာ 1968 မူရင်းကားကြီးလောက် Cinematic Masterpiece မဖြစ်နိုင်ပေမယ့်၊ Planet of the Apes Franchise တစ်ခုလုံးမှာ Plot အရ အရေးအကြီးဆုံးနဲ့ ဇာတ်အရှိန်အကောင်းဆုံး ကားတစ်ကား ဖြစ်ပါတယ်။ Sci-Fi ဇာတ်ကားတွေကို ကြိုက်နှစ်သက်သူတွေ၊ အထူးသဖြင့် Timeline Paradox တွေကို သဘောကျသူတွေအတွက်တော့ လက်လွတ်မခံသင့်တဲ့ ကားဟောင်းကောင်းတစ်ခု ဖြစ်ပါတယ်။
My Rating: 7.5 / 10
AP
Comments: