Jordan Peele ဦးဆောင်ပြီး 2019 မှာ ပြန်လည်အသက်သွင်းခဲ့တဲ့ The Twilight Zone (Season 1) ဟာ မူရင်း 1959 Classic စီးရီးရဲ့ ခေတ်လွန်အငွေ့အသက်တွေကို ယနေ့ခေတ် လူမှုပတ်ဝန်းကျင် ပြဿနာတွေနဲ့ ပေါင်းစပ်ဖို့ ကြိုးစားထားတဲ့ Sci-Fi Anthology စီးရီးတစ်ခုဖြစ်ပါတယ်။ ဒီစီးရီးမှာ ၁၀ ပိုင်းပါ၀င်ပြီး တစ်ပိုင်းချင်းစီကလဲ သူ့ကိုယ်ပိုင် ဇာတ်လမ်းနဲ့ဆိုတော့ အစဥ်လိုက်မဟုတ်တောင် ကြိုက်တဲ့နေရာကနေ ကြည့်လို့ရပါတယ်။

မူရင်းဖန်တီးသူ Rod Serling ရဲ့ နေရာမှာ ဝင်ရောက်ပြောကြားပေးတဲ့ Jordan Peele ဟာ စွဲမက်ဖို့ကောင်းပြီး လျှို့ဝှက်ဆန်းကြယ်တဲ့ Tone ကို အကောင်းဆုံး ထိန်းကျောင်းသွားနိုင်ပါတယ်။ သူပေါ်လာတဲ့ အခန်းတိုင်းဟာ ကြည့်ရှုသူကို ဆွဲဆောင်မှုအပြည့် ရှိစေပါတယ်။

မူရင်းစီးရီးတွေအတိုင်းပဲ ဒီ Version မှာလည်း လူမျိုးရေးခွဲခြားမှု၊ နည်းပညာအပေါ် အလွန်အကျွံမှီခိုမှု၊ အာဏာမက်မောမှုနဲ့ အဆိပ်အတောက်ဖြစ်စေတဲ့ ယောက်ျားဝါဒ စတဲ့ ယနေ့ခေတ် Real-world Issues တွေကို Sci-Fi, Psychological Horror ပုံစံမျိုးစုံနဲ့ ထည့်သွင်းလှောင်ပြောင် သရော်ထားပါတယ်။

2019 Version ရဲ့ The Twilight Zone (Season 1) ဟာ မူရင်း Classic စီးရီးကြီးရဲ့ အရှိန်အဝါကိုတော့ မမီပါဘူး။ ဒါပေမယ့် Black Mirror လိုမျိုး Sci-Fi ပဟေဠိဆန်ဆန်၊ လူမှုပတ်ဝန်းကျင်ကို သရော်တဲ့ ဇာတ်လမ်းတွဲတိုလေးတွေ ကြည့်ရတာ ဝါသနာပါရင်တော့ တစ်ပုဒ်ချင်းစီ ခွဲကြည့်ဖို့ အဆင်ပြေတဲ့ စီးရီးတစ်ခု ဖြစ်ပါတယ်။ မူရင်းစီးရီးနဲ့ သွားမနှိုင်းယှဉ်ဘဲ သီးသန့်ကြည့်မယ်ဆိုရင်တော့ သင့်တင့်တဲ့ ဖျော်ဖြေမှုတစ်ခု ပေးနိုင်မှာပါ။

Rating: 6.5 / 10