The Umbrella Academy ရဲ့ ဇာတ်သိမ်းပိုင်းဖြစ်တဲ့ Season 4 ဟာ ပရိသတ်တွေကြားမှာ တော်တော်လေး အငြင်းပွားစရာ ဖြစ်ခဲ့ရပါတယ်။ ကောင်းကွက်တွေ ရှိသလို စိတ်ပျက်စရာ အချက်တွေလည်း တော်တော်များလာပါတယ်။

အဓိက သရုပ်ဆောင်တွေဖြစ်တဲ့ Robert Sheehan (Klaus), Aidan Gallagher (Five) နဲ့ ကျန်တဲ့ မောင်နှမတစ်စုရဲ့ သရုပ်ဆောင်ချက်တွေကတော့ ထုံးစံအတိုင်း အားရဖို့ကောင်းပါတယ်။ သူတို့ကြားက chemistry က ဒီ series ရဲ့ အသက်ဆက်နိုင်ခဲ့တဲ့ အဓိကအချက်ပါ။ Spoiler မပေးဘဲ ပြောရရင် ဇာတ်လမ်းကို အဆုံးသတ်လိုက်တဲ့ concept က စိတ်မကောင်းစရာ ဖြစ်ပေမယ့် ဒီလောကကြီးရဲ့ ပြဿနာတွေ အားလုံးကို ဖြေရှင်းဖို့ တစ်ခုတည်းသော နည်းလမ်းဆိုတာမျိုး ဖြစ်အောင် ဖန်တီးထားတာက အဓိပ္ပာယ်ရှိပါတယ်။

အားနည်းချက်အနေနဲ့ပြောရရင် အရင် Season တွေလို ၁၀ ပိုင်း မဟုတ်ဘဲ ၆ ပိုင်းတည်းနဲ့ အဆုံးသတ်လိုက်တာကြောင့် ဇာတ်လမ်းက တော်တော်လေး ကသုတ်ကရ ဖြစ်သွားပါတယ်။ character arc တွေက ပြည့်စုံအောင် မတည်ဆောက်နိုင်ခင်မှာပဲ ပြီးသွားသလို ခံစားရပါတယ်။ Season 1 ကတည်းက ပရိသတ် သိချင်နေတဲ့ Ben ရဲ့ သေဆုံးမှု (The Jennifer Incident) ကို အဖြေပေးခဲ့ပေမယ့် ရှင်းလင်းမှု မရှိဘဲ ပိုပြီး ရှုပ်ထွေးသွားစေပါတယ်။ တခြားသော Plot holes တွေလည်း အများကြီး ကျန်ခဲ့ပါတယ်။

Season 4 ဟာ အောင်မြင်ခဲ့တဲ့ Series တစ်ခုကို အဆုံးသတ်ဖို့ ကြိုးစားခဲ့ပေမယ့် "အလျင်စလို နိုင်လွန်းခြင်း" နဲ့ "အဓိပ္ပာယ်မရှိတဲ့ ဇာတ်ကွက်များ" ကြောင့် ပရိသတ်တွေ မျှော်လင့်ထားသလောက် ဖြစ်မလာခဲ့ပါဘူး။ တစ်ချိန်က အရမ်းကောင်းခဲ့တဲ့ series တစ်ခုကို အဆုံးသတ်ချင်ရုံ သက်သက်ကြည့်မယ်ဆိုရင်တော့ ကြည့်သင့်ပေမယ့် Season 1 နဲ့ 2 တုန်းကလို အဆင့်အတန်းမျိုးတော့ မျှော်လင့်လို့ မရတော့ပါဘူး။

AP