Netflix ရဲ့ နာမည်ကြီး Series တစ်ခုဖြစ်တဲ့ The Umbrella Academy ဟာ Gerard Way ရဲ့ Comic စာအုပ်ကို အခြေခံထားတာဖြစ်ပြီး ရိုးရိုး Superhero ကားတွေနဲ့မတူဘဲ မိသားစုအရှုပ်တော်ပုံနဲ့ စိတ္တဗေဒပိုင်းကို ပိုဦးစားပေးထားတဲ့ "Dysfunctional Family" ဇာတ်လမ်းမျိုးပါ။

ဇာတ်လမ်းအကျဥ်းအနေနဲ့ ၁၉၈၉ ခုနှစ်၊ အောက်တိုဘာလ ၁ ရက်နေ့မှာ တစ်ကမ္ဘာလုံးအတိုင်းအတာနဲ့ ချက်ချင်းကြီး ကိုယ်ဝန်ရှိလာပြီး အမျိုးသမီး ၄၃ ဦးဆီကနေ ကလေးတွေ တစ်ပြိုင်နက်တည်း မွေးဖွားလာခဲ့ပါတယ်။ အဲဒီထဲက ထူးခြားတဲ့စွမ်းအားရှိတဲ့ ကလေး ၇ ယောက်ကို ဘီလျံနာ Sir Reginald Hargreeves က မွေးစားပြီး "The Umbrella Academy" ဆိုတဲ့အဖွဲ့ကို ဖွဲ့စည်းကာ ကမ္ဘာကြီးကို ကယ်တင်ဖို့ လေ့ကျင့်ပေးခဲ့ပါတယ်။

နှစ်ပေါင်းများစွာကြာပြီးနောက် အဖွဲ့ဝင်တွေ လူလားမြောက်ပြီး အသီးသီး လမ်းခွဲသွားကြရာကနေ သူတို့ရဲ့မွေးစားဖခင်ကြီး သေဆုံးမှုကြောင့် အိမ်ကိုပြန်ဆုံကြရင်း ရှစ်ရက်အတွင်း ရောက်လာတော့မယ့် ကမ္ဘာပျက်ကပ် (Apocalypse) ကို တားဆီးဖို့ ကြိုးစားကြတဲ့ ဇာတ်လမ်းဖြစ်ပါတယ်။

ပုံမှန် Marvel ဒါမှမဟုတ် DC ကားတွေလို ရန်သူကို နှိမ်နင်းတာမျိုးမဟုတ်ဘဲ မိသားစုစိတ်ဒဏ်ရာ ကို ပိုပြပါတယ်။ ကလေးဘဝက ဖခင်ဖြစ်သူရဲ့ တင်းကျပ်တဲ့ လေ့ကျင့်မှုတွေကြောင့် လူကြီးဖြစ်လာချိန်မှာ သူတို့ခံစားနေရတဲ့ စိတ်ဒဏ်ရာတွေကို သရုပ်ဖော်ထားတာ အရမ်းကောင်းပါတယ်။

အထူးသဖြင့် Aidan Gallagher (Number 5) ရဲ့ သရုပ်ဆောင်ချက်က ထူးချွန်ပါတယ်။ အသက် ၁၃ နှစ်အရွယ် ကလေးတစ်ယောက်ရဲ့ ခန္ဓာကိုယ်ထဲမှာ အသက် ၅၈ နှစ်အရွယ် လူကြီးတစ်ယောက်ရဲ့ စိတ်ဓာတ်နဲ့ အပြုအမူကို ပီပြင်အောင် သရုပ်ဆောင်နိုင်ခဲ့ပါတယ်။ 

အနှစ်ချုပ်အနေနဲ့ The Umbrella Academy Season 1 ဟာ Superhero ဇာတ်လမ်းတွေကို ပုံစံသစ်နဲ့ ကြည့်ချင်သူတွေအတွက် အကောင်းဆုံး Choice တစ်ခုပါ။ မိသားစု ဆက်ဆံရေး၊ လျှို့ဝှက်ချက်တွေနဲ့ အချိန်ခရီးသွား  ဇာတ်လမ်းတွေကို နှစ်သက်ရင် လက်မလွတ်သင့်တဲ့ Series ဖြစ်ပါတယ်။

AP