Fantastic Beasts: The Secrets of Dumbledore ဟာ Wizarding World ရဲ့ ၅ ကားတွဲ စီမံကိန်းထဲက တတိယမြောက်ကားဖြစ်ပြီး ရှေ့က "Crimes of Grindelwald" ရဲ့ ရှုပ်ထွေးမှုတွေကို ပြန်လည်ရှင်းလင်းဖို့ ကြိုးစားထားတဲ့ ဇာတ်ကားပါ။ ပရိသတ်တွေ အမျှော်လင့်ဆုံးဖြစ်တဲ့ Dumbledore နဲ့ Grindelwald တို့ရဲ့ ဆက်ဆံရေးကို အဓိကထား ရိုက်ကူးထားပါတယ်။

ဇာတ်လမ်းက Gellert Grindelwald ဟာ မှော်လောကရဲ့ ခေါင်းဆောင်နေရာကို တရားဝင်ရယူဖို့ ကြံစည်လာပါတယ်။ သူ့ရဲ့ အနာဂတ်ကို မြင်နိုင်တဲ့ စွမ်းအားကို တားဆီးဖို့အတွက် Albus Dumbledore ဟာ Newt Scamander နဲ့ အဖွဲ့ကို တာဝန်ပေးပြီး Grindelwald ရဲ့ အစီအစဉ်တွေကို လိုက်လံနှောင့်ယှက်ခိုင်းပါတယ်။ ဒီကြားထဲမှာ Dumbledore မိသားစုရဲ့ ဖုံးကွယ်ထားတဲ့ လျှို့ဝှက်ချက်တွေနဲ့ Credence ရဲ့ ဖြစ်တည်မှုအမှန်တရားတွေကို ဖော်ထုတ်ပြသသွားမှာပါ။

Johnny Depp ရဲ့ နေရာမှာ အစားထိုးဝင်ရောက်လာတဲ့ Mads Mikkelsen ဟာ ဒီကားရဲ့ အတောက်ပဆုံး အစိတ်အပိုင်းပါ။ သူက ပိုပြီး တည်ငြိမ်တယ်၊ ပိုပြီး ကြောက်စရာကောင်းသလို Dumbledore နဲ့ ရှိခဲ့တဲ့ အတိတ်က သံယောဇဉ်ကို မျက်ဝန်းတွေနဲ့တင် ပီပြင်အောင် ပြသွားနိုင်ပါတယ်။

အားနည်းချက်ကတော့  ဇာတ်လမ်းတစ်လျှောက်လုံး အရှိန်အဟုန်နဲ့ တည်ဆောက်လာပြီးမှ နောက်ဆုံး Duel (မှော်တိုက်ပွဲ) က အရမ်းမြန်လွန်းပြီး လွယ်လွယ်ကူကူ ပြီးသွားသလို ခံစားရစေပါတယ်။

"The Secrets of Dumbledore" ဟာ ဒုတိယကားထက်စာရင် ပိုပြီး ကြည့်ကောင်းလာသလို Wizarding World ရဲ့ အငွေ့အသက်တွေကို ပိုပြီး ခံစားရစေပါတယ်။ အထူးသဖြင့် Dumbledore နဲ့ Grindelwald တို့ကြားက ချစ်ခြင်း၊ မုန်းခြင်းနဲ့ ဝါဒကွဲပြားမှုတွေကို ပီပီပြင်ပြင် ရိုက်ပြထားပါတယ်။ အကယ်၍ သင်က Harry Potter ပရိသတ်ဆိုရင်တော့ ဒါဟာ မကြည့်မဖြစ် ကြည့်သင့်တဲ့ ကားတစ်ကားပါ။

AP